Yon platfòm ki fèt pou kreye plis opòtinite.
Global Plis +∞ se yon pwojè teknolojik ki fèt ak objektif pou rasanble plizyè kalite sèvis ak solisyon sou yon sèl platfòm.
Nou enterese sitou nan fason teknoloji kapab ede moun aprann, kreye, vann, devlope pwojè epi jwenn nouvo opòtinite nan yon anviwònman dijital ki pi aksesib.
Nou pa vle limite Global Plis ak yon sèl sèvis. Platfòm lan fèt pou kapab grandi, evolye epi ajoute nouvo solisyon avèk tan.
Teknoloji pou kreye plis.
Nou kwè teknoloji pa sèlman fèt pou konsome. Li kapab sèvi kòm yon zouti pou aprann, konstwi, antreprenarya epi kreye nouvo posiblite.
Misyon ak vizyon
De prensip ki gide fason Global Plis ap devlope.
Misyon nou
Bay moun aksè ak fòmasyon, sèvis ak zouti dijital ki kapab ede yo devlope konpetans yo, reyalize pwojè yo epi pwofite plis opòtinite nan teknoloji.
Vizyon nou
Devlope yon ekosistèm dijital ayisyen ki kapab evolye avèk bezwen itilizatè yo epi ki ankouraje aprantisaj, inovasyon ak kreyasyon.
Kisa Global Plis ap mete ansanm?
Platfòm lan gen plizyè branch ki kapab grandi endepandamman pandan yo rete konekte.
Fòmasyon
Kou ak resous pou ede itilizatè yo devlope nouvo konpetans, sitou nan domèn teknoloji.
Store
Yon espas pou prezante pwodwi ak kreye nouvo posiblite pou komès dijital.
Immobilier
Yon branch ki kapab sèvi pou prezante opòtinite ki gen rapò ak kay, tè ak byen immobilier.
Teknoloji
Devlopman pwojè, solisyon dijital ak zouti teknolojik ki kapab itil kominote a.
Prensip nou yo
Global Plis ap chèche grandi sou baz kèk valè ki mete itilizatè a ak kreyasyon an premye.
Inovasyon
Nou ankouraje lide, eksperimantasyon ak nouvo fason pou rezoud pwoblèm.
Aprantisaj
Nou kwè pataje konesans kapab bay moun plis kapasite pou yo avanse.
Pwogrè
Objektif la se pa rete menm kote. Global Plis fèt pou kontinye evolye.
Yon platfòm ki fèt ak teknoloji
Global Plis ap itilize teknoloji entènèt modèn pou konstwi yon eksperyans ki aksesib sou telefòn ak òdinatè.
"Nou kwè teknoloji se youn nan fason ki ka fè Ayiti amelyore, lè nou bay jèn yo zouti pou yo avanse."
— Global Plis +∞Dekouvri Global Plis
Eksplore fòmasyon yo, dekouvri Store la epi suiv evolisyon lòt solisyon k ap vini sou platfòm lan.